Сёння актывіста з Рагачова Дзяніса Дашкевіча выклікалі ў мясцовы КДБ, патэлефанаваўшы на хатні нумар. Дзянісу прапанавалі прыехаць для “размовы”, прычым “як мага хутчэй”, узяўшы з сабою пашпарт. Супрацоўнік КДБ не ўдакладніў, па якой справе будзе праходзіць размова і ў якасці каго Дашкевіча выкліваюць ў раённы Камітэт дзяржаўнай бяспекі.

Па інфармацыі “Праваабаронцаў за свабодныя выбары”, на размову ў КДБ таксама была выклікана жонка Дашкевіча і некалькі мясцовых актывістаў.

Нагадаем, учора патэнцыйнаму кандыдату па Рагачоўскай выбарчай акрузе адмовілі ў рэгістрацыі, сыслаўшыся на тое, што 80 адсодкаў подпісаў, сабраных за Дашкевіча, з’яўляюцца несапраўднымі.

Дашкевіч таксама вядомы як арганізатар акцыі па вяртанню “Дажынак” у Рагачоў.