Праваабарончы цэнтр «Вясна»беларускі хельсінкскі камітэт

Кандыдаты ад “Белай Русі” ладзяць канцэрты ў свой гонар

  • Старшыня РГА "Белая Русь" Аляксандр Радзькоў падчас сустрэчы (здымак belayarus.by)
    Старшыня РГА "Белая Русь" Аляксандр Радзькоў падчас сустрэчы (здымак belayarus.by)

Цэнтрвыбаркам абвесціў аб рэгістрацыі кандыдатаў у дэпутаты Палаты прадстаўнікоў Нацыянальнага сходу 23 жніўня, а ўжо праз два дні дэлегацыя віцебскіх кандыдатаў ад “Белай Русі” арганізавана наведала Мінск.

Афіцыйна 42 кандыдаты ў дэпутаты ад Віцебскай вобласці прыехалі ў Мінск, каб пераняць вопыт арганізацыі агітацыйна-прапагандысцкай працы. Па факце ж, у іх гонар быў арганізаваны святочны канцэрт з выступам дзіцячых танцавальных і песенных калектываў.

Агенцтва "Мінск-навіны" паведамляе, што дэлегацыя з Віцебску наведала перадвыбарчы мітынг, арганізаваны ініцыятыўнай групай кандыдата ў дэпутаты ад Грушэўскага выбарчай акругі Васіля Аляксеенкі, які з’яўляецца камандзірам корпуса аховы грамадскага парадку ўнутраных войскаў МУС.

Пасля мітынгу для віцебскай дэлегацыі арганізавалі канцэрт у Цэнтры дадатковай адукацыі дзяцей і моладзі «Ранак» Маскоўскага раёна. У гонар кандыдатаў у дэпутаты выступілі дзіцячыя танцавальныя і музычныя калектывы.  

Арганізавала візіт сталічная арганізацыя РГА "Белая Русь".  На сустрэчы прысутнічаў і старшыня арганізацыі Аляксандр Радзькоў.

“Праваабаронцы за свабодныя выбары”

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма