Праваабарончы цэнтр «Вясна»беларускі хельсінкскі камітэт

Старшыні профільных камісій Палаты прадстаўнікоў абіраюцца на безальтэрнатыўнай аснове

У Палаце прадстаўнікоў завяршылася вылучэнне кандыдатаў на пасады старшыняў профільных камісій. Галасаванне па кіраўнікам усіх 14 камісій будзе праходзіць на безальтэрнатыўнай аснове.

Вылучэнне прэтэндэнтаў праходзіла па адной і той жа схеме: адзін з дэпутатаў прапаноўваў кандыдатуру, затым выступалі сам прэтэндэнт і некалькі дэпутатаў у яго падтрымку.

Ні адзін з дэпутатаў самастойна сваю кандыдатуру на пасаду старшыні камісіі не вылучаў.

На пасаду старшыні камісіі па заканадаўстве вылучана Людміла Міхалькова (да абрання - старшыня Гомельскага абласнога суда); дзяржаўным будаўніцтве і мясцовым самакіраванні - Аляксандр Зазуля (дэпутат Палаты прадстаўнікоў чацвёртага склікання); нацыянальнай бяспекі - Аляксандр Мяжуеў (начальнік Галоўнай ваеннай інспекцыі Узброеных сіл); эканамічнай палітыцы - Уладзімір Краўцоў (першы намеснік старшыні Магілёўскага аблвыканкама); бюджэце і фінансах - Людміла Дабрыніна (старшыня Аршанскага гарадскога Савета дэпутатаў); аграрных пытаннях - Віктар Шчацько (намеснік старшыні Мінскага аблвыканкама); пытаннях экалогіі, прыродакарыстання і чарнобыльскай катастрофы - Сяргей Канопліч ( узначальваў гэтую ж камісію ў ПП НС мінулага склікання); правах чалавека, нацыянальных адносінах і сродках масавай інфармацыі - Андрэй Навумовіч (старшыня Гродзенскага абласнога Савета дэпутатаў); адукацыі, культуры і навуцы - Генадзь Пальчык (дырэктар Навукова-метадычнага установы "Нацыянальны інстытут адукацыі" ); працы і сацыяльных пытаннях - Уладзімір Васіленка (дэпутат ПП НС чацвёртага склікання); ахове здароўя, фізічнай культуры, сямейнай і маладзёжнай палітыцы - Аляксандр Цацоха (кіраўнік УА "Віцебскі дзяржаўны медыцынскі каледж"); жыллёвай палітыцы і будаўніцтву - Уладзімір Пузырэўскі (памочнік прэзідэнта - галоўны інспектар па Брэсцкай вобласці); прамысловасці, паліўна-энергетычнаму комплексу, транспарту і сувязі - Дзмітрый Харытончык (намеснік генеральнага дырэктара па якасці ААТ "БелАЗ"); міжнародных справах - Мікалай Самасейка (дэпутат ПП НС мінулага склікання).

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма