На прэс-канферэнцыі 26 ліпеня кіраўнік ЦВК Лідзія Ярмошына заявіла аб незаконнасці вылучэння кандыдатамі ў дэпутаты палітвязня Мікалая Статкевіча і палітуцекача Алеся Міхалевіча.

Як адзначыла Лідзія Ярмошына, дадзеныя наконт колькасці дэпутатаў, што балатуюцца на новы тэрмін, яшчэ не канчатковыя, паколькі некаторыя кандыдаты будуць вылучацца працоўнымі калектывамі.

Няма ніякіх інфармацыйных банэраў і аб’яў пра тое, што 23 верасня ў краіне пройдуць выбары ў парламент, на гарадскіх інфармацыйных стэндах, дошках аб’яў на тэрыторыях прадпрыемстваў і арганізацый, у крамах і гандлёвых кропках.

Між тым, неабходна нагадаць, што курыруе выхад газеты ў раёне намеснік старшыні Шклоўскага райвыканкама па ідэалогіі Аляксандр Давыдовіч, які адначасова з’яўляецца старшынёй акруговай камісіі Шклоўскай выбарчай акругі № 90.

Камендантка інтэрната па вул. Касманаўтаў, 45, які належыць “Аблдарбуду”, не пусціла актывістку Партыі БНФ у інтэрнат: маўляў, па нашай акрузе ідзе пракурор – нам сказалі збіраць подпісы толькі ў ягоную падтрымку. Валянціна папрасіла, каб камендантка патэлефанавала вышэйстаячаму начальству.

Барыс Бухель звяртаўся у Цэнтрвыбаркам з просьбай патлумачыць яму адсутнасць магчымасці ў Выбарчым кодэксе пункта аб тым, што прадстаўнікі мясцовых грамадскіх арганізацый, а таксама мясцовых структур палітычных партый не могуць вылучаць ад сваіх структур прадстаўнікоў у склад акруговых выбарчых камісій.

У Баранавічах на Цэнтральным кірмашы горада (вуліца Чарнышэўскага, 11) з’явіўся першы пікет па збору подпісаў – за Мікалая Чарнавуса. Як толькі прадпрымальнік арганізаваў пікет, то да яго адразу падыйшлі дырэктар Віталь Рахмеджанаў і юрыст Баранавіцкага каапрынку.

Андрэй Бажко, пэтэндэнт у кандыдаты па Горацкай выбарчай акрузе № 82, адмовіўся ад удзелу ў выбарчай кампаніі. Чаму ён прыняў гэтае рашэнне і што паслужыла чыннікам для гэтага, Андрэй Бажко адмаўляецца каментаваць.

У Мазыры каля кірмаша “Прывоз” з’явіўся першы пікет па збору подпісаў -- за Нікадзіма Варановіча. Пікет – гэта ўжо не першая прыкмета таго, што пачаліся выбары дэпутатаў Палаты прадстаўнікоў. На вуліцах горада з’явіліся расцяжкі, бігборды, якія нагадваюць гаражанам пра значную падзею.

У Жлобіне збор подпісаў за вылучэнне кандыдатам у дэпутаты старшыні райвыканкама Леаніда Апанасюка адбываўся ў непасрэднай блізкасці ад прыпынка грамадскага транспарту, што, згодна з рашэннем Жлобінскага райвыканкама, забаронена.

Старшыня ЦВК Лідзія Ярмошына заявіла, што сёлета было адмоўлена 85 групам – гэта 19%. На папярэдніх выбарах паказальнікі былі лепшымі – 5% адмоваў у 2008 годзе і 11% адмоваў у 2004. Па словах Ярмошынай, адмовы датычыцца 15 патэнцыйных кандыдатаў, частка якіх вылучалася адразу па некалькіх акругах.

Каардынатар па Мінску “Руху “За свабоду” Юрый Меляшкевіч распавёў пра збор подпісаў за Аляксандра Мілінкевіча. Па ягоных словах, выбаршчыкі не ведаюць сваіх дзейсных дэпутатаў. “Людзі разумеюць, што падчас выбараў адбываюцца фальсіфікацыі, яны не давяраюць падліку галасоў".

Першая сустрэча з патэнцыйнымі прыхільнікамі адбылася яшчэ ў траўні. А на мінулым тыдні па Ясеніскай акрузе была зарэгістравана ягоная ініцыятыўная група. Яе колькасць уражвае – 214 супрацоўнікаў сферы адукацыі.

Прычынамі адмовы шасці ініцыятыўным групам у рэгістрацыі называецца тое, што патэнцыйныя кандыдаты не самі падавалі дакументы: у адным выпадку дакументы на рэгістрацыю былі накіраваны на пошце, ці дакументы былі пададзены асобамі, не ўпаўнаважанымі дзейнічаць ад імя патэнцыйнага кандыдата.

Сябра РПГА “Беларускі Хельсінкскі Камітэт" Уладзімір Шыла, які з’яўляецца назіральнікам па Салігорскай сельскай выбарчай акрузе №69, звярнуўся ў Мінскі абласны выканаўчы камітэт са скаргай на рашэнне Любанскага выканкаму.