Аўтары ўлётак раяць усім прыслужнікам паслухаць песню Сяргея Міхалка “Ня быць скотам”, а беларусам – не ісці на галасаванне: “Няхай Лукашэнка і яго рэжым застаецца сам-насам”.

На сайтах афіцыйных раённых выданняў, якія падвяргаліся крытыцы незалежных назіральнікаў за адсутнасць выбарчай тэматыкі, нарэшце, запрацавалі рубрыкі, прысвечаныя выбарам.

Адмыслоўцы кампаніі “Праваабаронцы за свабодныя выбары” падрыхтавалі “Дапаможнікі па маніторынгу выбараў дэпутатаў Палаты прадстаўнікоў Нацыянальнага сходу Рэспублікі Беларусь для кароткатэрміновых і доўгатэрміновых назіральнікаў”.

Падчас тэледэбатаў на тэлеканале “Беларусь-2” Станіслаў Багданкевіч (АГП) і Андрэй Дзмітрыеў (“Гавары праўду”) запыталі ў старшыні Мінскага гарсавету Міхаіла Савановіча, ці збіраецца ён спрыяць вызваленню палітвязняў, калі стане дэпутатам. На што чыноўнік адказаў: “У нас няма палітвязняў, а ёсць крымінальнікі”.

Кандыдатка па Віцебскай-Горкаўскай акрузе № 17 Алена Фаміна, прыхільніца Мікалая Статкевіча і сябра аргкамітэту па стварэнні сацыял-дэмакратычнай партыі "Народная Грамада", 12 верасня ехала ў Вільню. На беларускім баку мытнікі правялі ператрус яе рэчаў.

Не паспелі апазіцыйныя прэтэндэнты на дэпутацкі мандат станоўча ацаніць вынікік першых агітацыйных пікетаў у розных месцах абласнога цэнтру, як з’явіліся звесткі пра нежаданне ўладальнікаў некаторых гандлёвых аб’ектаў размяшчаць у сваіх крамах перадвыбарчыя плакаты.

Нягледзячы на публікацыю графіка сустрэч у гарадской газеце «Полацкі веснік» і расклейку ўчастковымі выбарчымі камісіямі і даверанымі асобамі кандыдатаў аб'яў наконт сустрэч, актыўнасць выбаршчыкаў вельмі невялікая.

Дзяржаўнае паліграфічнае прадпрыемства “Тытул” ў горадзе Рэчыца Гомельскай вобласці адмовілася друкаваць 10 тысяч агітацыйных улётак мясцоваму кандыдату ў дэпутаты Палаты прадстаўнікоў Антону Няфёдаву. Сказалі, што надрукуюць толькі 5 тысяч. Улёткі праўладнага кандыдата Адама Вашкова распаўсюджваюцца з пачатку агітацыйнага перыяду. Відавочна, прынтары пры друкаванні яго прадукцыі не ламаліся.

Салігорскі кандыдат ў дэпутаты ад Аб’яднанай грамадзянскй партыі Віктар Малочка накіраваў сваю перадвыбарчую праграму ў раённую газету “Шахцёр” яшчэ ў канцы жніўня, але дагэтуль на старонках газеты яго зварот да выбарцаў не надрукаваны. Праграмы іншых кандыдатаў Салігоршчыны таксама не апублікаваны.

Прадстаўнікі кампаніі «Праваабаронцы за свабодныя выбары» 11 верасня сустрэліся з сябрамі назіральніцкай місіі Парламенцкай асамблеі АБСЕ. На сустрэчы прысутнічаў, у тым ліку, Матэа Мекачы, каардынатар місіі кароткатэрміновых назіральнікаў ПА АБСЕ.

Агітацыйная прадукцыя старшыні Светлагорскага райсавета Галіны Філіповіч расклеена ў месцах, якія не вызначаны для размяшчэння матэрыялаў. Забруджваюцца сцены дамоў, ствараецца неахайны выгляд у дварах мікрараёнаў.

Азнаёміўшыся з прамежкавай справаздачай па назіранні за выбарчай кампаніяй місіі ад СНД, мазырскі праваабаронца Уладзімір Целяпун, спачылаючыся на асабісты досвед доўгатэрміновага назіральніка, адзначае, што не ўсё так “спакойна” і “ў адпаведнасці з Выбарчым кодэксам”, як пішуць прадстаўнікі місіі.

11 верасня суддзя Ленінскага раёна Магілёва Аксана Ратнікава выснесла прысуд адказнаму за незалежнае назіранне на Магілёўшчыне ў межах кампаніі “За справядлівыя выбары 2012” Юрыю Новікаву.

Галоўны рэдактар Бярозаўскай раённай газеты “Маяк” Аляксандр Іваноў канчаткова адмовіўся друкаваць праграму кандыдата ў дэпутаты Палаты прадстаўнікоў ад АГП Аляксандра Кабанава. Кандыдат будзе абскарджваць рашэнне рэдактара ў судзе.

Газета Баранавіцкага гарвыканкама “Наш край” у нумары за 6 верасня надрукавала артыкул “Слухаў на два вухі, альбо Мая твая не разумее” - пра назіральніка Сяргея Гоўшу. Аўтар “праўдзівага” слова - галоўны рэдактар Міхась Шубіч - відавочна заняўшы бок старшыні АВК № 5 Таццяны Латышавай, бессаромна бэсціць назіральніка.