Газета «Полацкі веснік» у кожным нумары, які выйшаў з пачатку жніўня, друкуе артыкулы, дзе асвятляецца дзейнасць Наталлі Гуйвік, старшыні Полацкага гарадскога савета дэпутатаў, якая зарэгістравала ініцыятыўную групу па зборы подпісаў.

Дзяржаўная газета “Светлагорскія навіны” адвяла цэлую старонку для Галіны Філіповіч. Канешне, гэта ўсяго толькі інтэрвію аб яе дзейнасці на пасадзе старшыні райсавета. Пра іншых людзей, якія вылучаюцца ў кандыдаты, газета не піша.

Паводле інфармацыі ад незалежных назіральнікаў з розных рэгіёнаў краіны, ва ўчастковыя выбарчыя камісіі, фармаванне якіх завершылася 8 жніўня, прайшлі адзінкі прадстаўнікоў дэмакратычных партый і грамадскіх аб'яднанняў.

Старшыня Баранавіцкай гарадской філіі АГП Анжаліка Камбалава 9 жніўня падала ў акруговую камісію заяву ад партыі на рэгістрацыю яе ў якасці кандыдата ў дэпутаты. Яна стала трэцім прэтэндэнтам па гэтай выбарчай акрузе.

Прэтэндэнт у дэпутаты Палаты прадстаўнікоў Рыгор Грык скардзіўся ў акруговую камісію на тое, што за праўладнага вылучэнца Аляксандра Сцяцко збіраюць подпісы вахцёры інтэрната № 6 па вуліцы Кірава, д.73/2 у працоўны час, нават не пытаючыся пашпарт.

Камендант і выхавацелька інтэрната па вуліцы Касманаўтаў, 45 двойчы прымушалі жыхара інтэрната Мікалая Залознага падпісвацца за вылучэнне ў дэпутаты пракурора Магілёўскай вобласці Эдуарда Сянкевіча. Як аказалася, першы раз подпісы збіралі не сябры ініцыятыўнай групы.

Старшыня Слуцкага райвыканкама Уладзімір Даманеўскі папрасіў рэдактара раённай газеты "Слуцкі край" Валянціну Ражанец пісаць пра выбары. Больш за тое - публікаваць нават крытычныя матэрыялы аб ходзе парламенцкай кампаніі.

Паседжанні па фармаванні УВК ва ўсіх адміністрацыях Гомеля праходзілі 8 жніўня. Сур'ёзныя людзі засядалі, абмяркоўвалі, галасавалі. Аднак «Гомельскія ведамасці» яшчэ 7 жніўня, напярэдадні паседжанняў, інфармавалі чытачоў, што камісіі ўжо ўтвораны, прычым нават назвалі лічбу – колькі людзей увайшлі ў склад участковых камісій.

У скаргах, накіраваных у суд Гарадоцкага раёну, адзначаецца, што зацвярджэнне складу камісій, у якія не ўключылі Леаніда Гаравога (БСДП (Грамада) і Вольгу Аўтухову (Партыя БНФ), адбылося з парушэннем нормаў выбарчага заканадаўства.

Наталля Гуйвік, старшыня Полацкага гарадскога савета дэпутатаў, зарэгістравала ініцыятыўную групу па зборы подпісаў для ўдзелу ў выбарах у Палату прадстаўнікоў, актыўна наведвае найбольш буйныя прадпрыемствы Полацка ў складзе інфармацыйна-прапагандысцкай групы гарвыканкама.

10 жніўня Жлобінская раённая газета “Новы дзень” апублікавала рашэнне аб утварэнні УВК, а таксама першы спіс складу ўчастковых выбарчых камісій, а ў Рагачоўскім “Свабодным слове” аналагічнага рашэння няма. Тым часам абодва выданні сведчаць пра візіты ў раёны міжнародных назіральнікаў з місіі СНД.

Апроч прагляду фільмаў, плануецца дыскусія з абмеркаваннем актуальных праблем парушэння правоў чалавека ў Беларусі і ў свеце. Да ўдзелу запрошаныя мясцовыя праваабаронцы, грамадскія актывісты і палітыкі. Запрашэнне атрымаюць і ўсе прэтэндэнты ў кандыдаты па салігорскіх выбарчых акругах.

На паседжанні 9 жніўня камісія разгледзела пытанне аб зацвярджэнні спісу месцаў, дазволеных для агітацыі. Прадстаўнік “Справядлівага свету” Сяргей Вазняк прапанаваў дазволіць агітацыю па ўсёй акрузе, за выключэннем асобных, забароненых заканадаўствам, месцаў.

Старшыня Беларускага Хельсінкскага камітэта Алег Гулак назваў заявы ЦВК аб скаргах назіральнікаў «дзіўнымі». БХК рыхтуе адказ Цэнтрвыбаркаму, у якім выказвае сваю нязгоду з заявай Ярмошынай.

З 14 сябраў камісіі выбарчага ўчастка №2 як мінімум 10 - настаўнікі школы №3, дзе месціцца ўчастак. Кандыдатам у дэпутаты па Гомельскай-Савецкай акрузе, на тэрыторыі якой размешчана школа, плануе вылучыцца Міхаіл Пачынок, дырэктар «Гомельскіх цеплавых сетак». Школа №3, калі што, з'яўляецца падшэфнай у гэтага прадпрыемства.