Тэлерадыёкампанія “Брэст” пра маючыя адбыцца выбары ў Палату прадстаўнікоў  паведамляе сваеасаблівымі сюжэтамі з элементамі агітацыі, у якіх распавядаецца пра дзейнасць цяперашніх дэпутатаў ад Брэсцкай вобласці.

Так, 5 ліпеня ў вечаровым дзесяціхвілінным выпуску рэгіянальных навінаў амаль дзве з паловай хвіліны заняў рэпартаж з прыёма грамадзянаў па асабістых пытаннях дэпутатам Палаты прадстаўнікоў Ларысай Багдановіч. Сам сюжэт меў назву “Яны ў адказе за сваіх выбаршчыкаў!” і  быў прысвечаны не толькі непасрэдна прыёму грамадзянаў, што вёўся ў Брэсцкім абласным анкалагічным дыспансеры, але і ўзгадваў жыццёвы шлях Багдановіч, якая да абрання ў парламент узначальвала дзіцячы рэабілітацыйны цэнтр “Тонус”. Аўтары сюжэту падкрэслівалі плённасць працы гэтага дэпутата ў беларускім парламенце  і фактычна агітавалі за тое, каб Ларысу Багдановіч падтрымалі людзі, што жывуць на тэрыторыі Брэсцкай-Цэнтральнай выбарчай акругі №2.

Дарэчы, калі на папярэдніх выбарах у Палату прадстаўнікоў у Брэсце былі сфармаваныя тры акргуі, дык зараз дадецца яшэч адна - Пагранічная №4, да якой аднесена частка тэрыторыі Маскоўскага раёна абласнога цэнтра і Брэсцкі раён.

"Праваабаронцы за свабодныя выбары"