Намеснік старшыні Гомельскага аблвыканкама Уладзімір Надтачаеў мае намер вылучыць сваю кандыдатуру на парламенцкіх выбарах па Рагачоўскай выбарчай акрузе.

Пра гэта “Праваабаронцам за свабодныя выбары” паведаміла крыніца ў Рагачоўскім райвыканкаме.

Уладзімір Надтачаеў кіруе ў аблвыканкаме пытаннямі развіцця будаўнічага комплексу, вытворчасці будаўнічых матэрыялаў, жыллёва-камунальнай гаспадаркі, надзвычайных сітуацый, абароны насельніцтва ад наступстваў катастрофы на Чарнобыльскай АЭС (акрамя сацыяльных пытанняў па ліквідацыі наступстваў катастрофы на Чарнобыльскай АЭС), размеркавання і выкарыстання капітальных укладанняў, удакладняе афіцыйны сайт Гомельскага аблвыканкама.

Надтачаеў таксама кіруе футбольнай федэрацыяй Гомельскай вобласці. Як паведаміла наша крыніца, у Рагачове пражываюць бацькі абласнога чыноўніка.

"Праваабаронцы за свабодныя выбары"