Смаргонскі праваабаронца Алесь Дзергачоў паведаміў, што нарэшце, праз два тыдні пасля прыняцця, было абнародавана рашэнне райвыканкама аб вызачэнні месцаў для правядення пікетаў па зборы подпісаў. Рашэнне было апублікавана ў апошнім нумары газеты “Светлы шлях”. На афіцыйным райвыканкамаўскім сайце, дзе можна было б аператыўна размяшчаць выбарчыя дакуманты, да гэтага часу нават няма адпаведнай рубрыкі.

На першы погляд, рашэнне аб забароненых месцах – даволі дэмакратычнае. Тут няма стандартных “50 метраў” ад пэўных аб’ектаў, і ў пераліку – толькі 3 пункты: плошча імя Леніна, вуліца Леніна і вуліца Савецкая. Але, як адзначае Алесь Дзергачоў, гэтыя месцы – і ёсць самыя цэнтральныя і шматлюдныя, і традыцыйна пікеты выстаўляліся менавіта на вуліцы Леніна, якая раней не была ў ліку забароненых.

Сапраўды, знайсці ўдалыя пункты для пікетавання па-за акрэсленымі ў выканкамаўскім рашэнні месцамі – наўрад ці магчыма.

На здымку: Гэтае месца, дзе заўсёды раней ладзіліся пікеты – зараз у ліку забароненых.

“Праваабаронцы за свабодныя выбары”