Шэсць актывістаў кампаніі «Гавары праўду!», якія плануюць прыняць удзел у парламенцкай выбарчай кампаніі 2012 года, падалі ў мінскія акруговыя выбарчыя камісіі дакументы на рэгістрацыю сваіх ініцыятыўных груп.

Як паведаміў Сяргей Вазняк, у Купалаўскую выбарчую акругу № 95 пададзена заява аб рэгістрацыі ініцыятыўнай групы актывіста «ГП» Міхаіла Пашкевіча;

Кастрычніцкая выбарчая акруга № 97 - Вікторыя Пашкоўская;

Кальварыйскі выбарчая акруга № 104 - Таццяна Караткевіч;

Коласаўская выбарчая акруга № 106 - Жанна Салоп;

Усходняя выбарчая акруга № 107 - Ігар Драко;

Каліноўская выбарчая акруга № 108 - Іван Амельчанка, які быў затрыманы каля свайго дома напярэдадні падачы заявы ў акружком.

Усяго на выбарах 2012 года ў дэпутаты балатуецца 26 актывістаў кампаніі «Гавары праўду!», 25 з іх ужо падалі дакументы на рэгістрацыю сваіх ініцыятыўных груп. Шэсць груп ўжо зарэгістраваныя і пачалі збор подпісаў.

Актывісты будуць збіраць подпісы двума традыцыйнымі спосабамі - «ад дзвярэй да дзвярэй» і вулічныя пікеты, распавёў Вазняк.

У кожную ініцыятыўную групу ўключаны кіраўнікі кампаніі «Гавары праўду!» - Уладзімір Някляеў, Андрэй Дзмітрыеў, Сяргей Вазняк і Аляксандр Фядута, якія таксама будуць удзельнічаць у зборы подпісаў. Някляеў будзе ўдзельнічаць толькі ў працы менскіх ініцыятыўных груп, бо яму забаронена пакідаць межы горада. Дзмітрыеў, Вазняк і Фядута будуць наведваць пікеты і ў рэгіёнах.

«Праваабаронцы за свабодныя выбары»