На паседжаннях акруговых выбарчых камісій №84 і 85 ініцыятыўная група Мікалая Статкевіча не была зарэгістраваная.

У якасці прычыны адмовы называецца тое, што на дадзены момант Мікалай Статкевіч адбывае ў турме пакаранне за арганізацыю масавых беспарадкаў і яго вылучэнне ў дэпутаты супярэчыць як Канстытуцыі, так і Выбарчаму Кодэксу Рэспублікі Беларусь.

У акруговай выбарчай камісіі №87 дзяжурныя сябры камісіі ўвогуле адмовіліся прымаць дакументы на рэгістрацыю ініцыятыўнай групы палітзняволенага - іх проста выкінулі ў сметніцу, хоць паводле закону мусілі іх прыняць і зарэгістраваць для далейшага разгляду на паседжанні.

Трэба адзначыць, што прыхільнікі Мікалая Статкевіча планавалі падаць спісы на рэгістрацыю яго ініцыятыўнай групы ва ўсе 110 акруговых выбарчых камісій.

"Праваабаронцы за свабодныя выбары"