Праваабарончы цэнтр «Вясна»беларускі хельсінкскі камітэт

У Маларыце так і не апублікаваны спіс сяброў акруговай камісіі

Маларыцкая раённая газета “Голас часу” так і не надрукавала спісы сябраў акруговай выбарчай камісіі Белавежскай выбарчай акругі № 8 у нумары за 18 ліпеня, як было абяцана сябру гэтай камісіі ад Партыі БНФ Пятру Андрыевічу. Няма спіса і ў нумары газеты за 21 ліпеня. У рэдакцыі палічылі патрэбным паведаміць толькі прозвішчы старшыні камісіі, яго намесніка і сакратара. Таксама напісалі пра тое, што з Маларыты сябрамі камісіі сталі Пятро Андрыевіч (ад Партыі БНФ) і Ніна Калыпская (шляхам збору подпісаў) – і больш ніякіх звестак.

Акрамя гэтага, як паведаміў жыхар горада Маларыта, юрыст-праваабаронца  Уладзімір Малей, не былі надрукаваны межы гэтай акругі.

Па меркаванні У. Малея, такое стаўленне да інфармавання пра ход выбарчай кампаніі сведчыць пра фармалізм у адносінах да выбараў.

Нагадаем, што ў рэдакцыю выдання пасля 6 дзён пасля паседжання камісіі патэлефанаваў сябра камісіі Пятро Андрыевіч і спытаў, чаму няма спісу акруговай камісіі. Першапачаткова яго ўвялі ў зман, сказаўшы, што спіс надрукаваны. Пасля паўторнага званка было сказана, што надрукуюць ў чарговым нумары. Аказалася, што толькі паабяцалі, хаця па выбарчаму заканадаўству для апублікавання спісу выбарчых камісій даецца сямідзённы тэрмін. Ён закончыўся  16 ліпеня.

“Праваабаронцы за свабодныя выбары”

 

 

 

 

 

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма