Магілёўская назіральніца Наталля Самахвалава, сябра “Беларускага Хельсінкскага камітэта”, абскарджвае ў Цэнтрвыбаркам свой нядопуск на першае паседжэнне акруговай камісіі.

У скарзе жанчына просіць прыцягнуць да адказнасці старшыню акруговай выбарчай камісіі №86 спн. Снытко за парушэнне выбарчага заканадаўства і абавязаць яе прадастаўляць для азнаямлення ўсе дакументы і пратаколы паседжанняў камісій.

Наталля Самахвалава адзначае, што падчас першага паседжэння акруговай выбарчай камісіі №86 спн. Снытко забараніла ёй прысутнічаць на паседжанні, паведаміўшы, што назіраць за працай камісіі можна толькі з наступнага паседжання.

Самахвалава кажа, што перад першым пасяджэннем камісіі яна паспела зарэгістравацца ў якасці назіральніцы.

“На наступны дзень я прыйшла ў камісію і папрасіла азнаёміцца з пратаколам першага паседжання, аднак абраная ўжо старшыня камісіі адмовілася мне яго прадаставіць. Сказала, што я на гэтым паседжэнні не прысутнічала, таму азнаёміцца не дасць”, - распавядае назіральніца.

Назіральніца ўказвае ў скарзе, што тым самым спн. Снытко парушыла ч.1 і ч.2 арт.13 Выбарчага Кодэкса, якой, у прыватнасці, устаноўлена, што падрыхтоўка і правядзенне выбараў ажыццяўляецца адкрыта і галосна.

“Праваабаронцы за свабодныя выбары”