За мінулы тыдзень мясцовыя газеты “Пінскі веснік” і “Полесская правда” хіба што вымушана апублікавалі  рашэнні выканкамаў аб утварэнні выбарчых участкаў і спіс гэтых участкаў.  Цікава, што перасталі друкаваць нават паведамленні БЕЛТА і хвалебныя “оды” праўладным кандыдатам.  

Збор подпісаў за вылучэнне кандыдатаў у дэпутаты таксама праходзіць незаўважна: пікетаў не выстаўляла ніводная з пяці зарэгістраваных на Піншчыне ініцыятыўных групаў. На вуліцах горада няма ніякай інфармацыі пра выбары.

Выбарчым камісіям па Пінскай гарадской акрузе №14 і Пінскай сельскай акрузе №15 з-за адсутнасці падзеяў збірацца даводзіцца вельмі рэдка. Па словах назіральніка ад Беларускага Хельсінкскага камітэта Віктара Ярашука, усю неабходную інфармацыю сябры камісіяў даюць без праблем.

“Праваабаронцы за свабодныя выбары”