Актывіст кампаніі "Гавары праўду" Канстанцін Анташкевіч, чыя ініцыятыўная група зарэгістраваная ў Аршанскай гарадской акрузе № 26 па выбарах дэпутатаў Палаты прадстаўнікоў, не змог атрымаць у акруговай камісіі бланкі дэкларацыі аб даходах і маёмасці, анкеты, а таксама заявы аб згодзе балатавацца кандыдатам у дэпутаты.

Як патлумачылі яму, пакуль у камісіі такіх бланкаў няма і параілі прыйсці бліжэй да 13 жніўня.

Разам з тым, Выбарчым кодэксам і Пастановай Цэнтральнай камісіі па выбарах і правядзенні рэспубліканскіх рэферэндумаў зацверджаны тэрмін вылучэння кандыдатаў у дэпутаты - з 15 ліпеня па 13 жніўня ўключна. Гэта значыць, што ў любы дзень гэтага тэрміну, а не толькі "бліжэй да 13 жніўня" грамадзянін мае права аформіць дакументы на вылучэнне кандыдатам. І хоць больш за палову часу адведзенага тэрміну ўжо прайшло, акруговая камісія ўсё яшчэ не гатовая прадаставіць бланкі неабходных дакументаў.

"Праваабаронцы за свабодныя выбары"