Праваабарончы цэнтр «Вясна»беларускі хельсінкскі камітэт

Праўладныя партыі вылучаюць сотні прадстаўнікоў ва УВК і - адзінкі кандыдатаў

Цэнтральная камісія па выбарах агучыла вынікі вылучэння прадстаўнікоў ва ўчастковых выбарчыя камісіі. Больш за ўсё вылучэнцаў ад Федэрацыі прафсаюзаў Беларусі, “Белай Русі”, БРСМ, “Беларускага саюза жанчын” і Беларускага грамадскага аб’яднання ветэранаў. Таксама актыўна сябе праяўляюць партыі, якія падтрымліваюць курс Лукашэнкі – Беларуская аграрная партыя, Беларуская сацыяльна-спартыўная партыя, Рэспубліканская партыя працы і справядлівасці. Пры гэтым кандыдатаў-вылучэнцаў ад іх толькі адзінкі.

Усяго ў Беларусі будзе створана 6,3 тысяч участковых камісій, яшчэ 44 - за мяжой. У склад адной камісіі можа быць уключана ад 5 да 19 чалавек.

Па словах сакратара ЦВК Мікалая Лазавіка, палітычныя партыі і грамадскія арганізацыі сталі больш актыўна вылучаць сваіх прадстаўнікоў ва ўчастковыя камісіі.

Сярод партый найбольшую актыўнасць праявілі Камуністычная партыя Беларусі – 845 чалавек, Рэспубліканская партыя працы і справядлівасці - 832 чалавек,  Беларуская сацыяльна-спартыўная партыя - 609, Беларуская аграрная партыя - 571. Пры гэтым колькасць сярод верагодна вылучаных кандыдатаў – адзінкі прадстаўнікоў. КПБ – 30 кандыдатаў, РППС – 19 кандыдатаў, БССП – 3 кандыдаты.

Апазіцыйныя партыі пры вылучэнні прадстаўнікоў ва ўчастковыя выбарчыя камісіі выглядаюць больш сціпла: АГП – 240, Беларуская партыя левых "Справядлівы свет" - 216, Партыя БНФ - 158, Беларуская сацыял-дэмакратычная партыя (Грамада ) - 30, Беларуская партыя "Зялёныя" - 20 чалавек.

Аднак  найбольшую актыўнасць праявілі праўладныя грамадскія арганізацыі: Федэрацыя прафсаюзаў Беларусі – 10 400, РГА "Белая Русь" – 4 799, БРСМ – 4 345, Беларускі саюз жанчын – 4 037, Беларускае грамадскае аб'яднанне ветэранаў – 3 138 прадстаўнікоў.

"Праваабаронцы за свабодныя выбары"



Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма