У Салігорску два апазыцыйныя палітыкі падалі дакументы на рэгістрацыю кандыдатамі.

Віктар Малочка і Арцём Агафонаў былі вылучаныя па партыйных спісах Аб’яднанай грамадзянскай партыі на З’ездзе, які адбыўся 29 ліпеня.

Віктар Малочка падаў дакументы 8 жніўня. Ён будзе вылучацца па Салігорскай гарадской акрузе. Ягонымі канкурэнтамі будуць дзейсны дэпутат Палаты прадстаўнікоў Яўген Абаленскі і начальнік салігорскага ЖКГ Ігар Дзялендзік. Праўладныя кандыдаты вылучаліся шляхам збора подпісаў. У акруговай выбарчай камісіі пацвердзілі атрыманне дакументаў на рэгістрацыю ад гэтых  прэтэндэнтаў.

Любанскі прадпрымальнік Арцём Агафонаў падаў дакументы на рэгістрацыю ў Салігорскай сельскай выбарчай акрузе. Канкураваць яму давядзецца з начальніцай упраўлення адукацыі Мінаблвыканкама і адначасова дэпутаткай Мінскага абласнога Савета Таісай Данілевіч. Па гэтай жа акрузе збірае подпісы для вылучэння старшыня Акцябрскага сельсавета Ірына Бас.

“Праваабаронцы за свабодныя выбары”