Праваабарончы цэнтр «Вясна»беларускі хельсінкскі камітэт

Полацк: кандыдат ад улады наведвае працоўныя калектывы ў складзе інфармацыйна-прапагандысцкай групы гарвыканкама

  • Старшыня Полацкага гарсавета дэпутатаў Наталля Гуйвік (у цэнтры)
    Старшыня Полацкага гарсавета дэпутатаў Наталля Гуйвік (у цэнтры)

Наталля Гуйвік, старшыня Полацкага гарадскога савета дэпутатаў, зарэгістравала ініцыятыўную групу па зборы подпісаў для ўдзелу ў выбарах у Палату прадстаўнікоў, актыўна наведвае найбольш буйныя прадпрыемствы Полацка ў складзе інфармацыйна-прапагандысцкай групы гарвыканкама.

Фармальна парушэння выбарчага заканадаўства быццам бы не адбываецца. Інфармацыйна-прапагандысцкія групы гарвыканкама бываюць ва ўстановах і на прадпрыемствах Полацка досыць рэгулярна - распавядаюць пра росквт ў краіне і адказваюць на канкрэтныя пытанні палачан аб рабоце гарадскіх службаў. Аднак актывізацыя гэтага віду прапаганды менавіта ў перадвыбарчы перыяд наводзіць на думку аб дадатковым піяры кандыдата ад улады.

Цалкам верагодна дарэчы, што дадзеная ўзмоцненая прапаганда спрацуе супраць самой Гуйвік. Так, пры сустрэчы на ​​самым буйным прадпрыемстве Полацка - заводзе "Шкловалакно", на рэпліку аднаго з рабочых, што агучаныя інфармацыйнай групай лічбы і факты па развіццю горада рэгулярна асвятляюцца ў “Полацкім весніку” і не ўтрымоўваюць нічога прынцыпова новага, старшыня Савета дэпутатаў не знайшла нічога лепшага, як адказаць: “Я ведаю, што вы газет не чытаеце і тэлевізар не глядзіце”. Ды і заяўляць рабочым, хто чакаў інфармацыйную групу каля 20 хвілін пасля заканчэння змены: “Я тут нікога не трымаю, не хочаце слухаць – сыходзіце” і “Мне таксама цяжка казаць цэлы дзень”, не з'яўляецца верхам карэктнасці і разумення сітуацыі.

"Праваабаронцы за свабодныя выбары"

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма