Праваабарончы цэнтр «Вясна»беларускі хельсінкскі камітэт

У Гомелі на зборшчыкаў подпісаў напаў выбаршчык

  • Гомельскі грамадскі актывіст Ігар Случак
    Гомельскі грамадскі актывіст Ігар Случак

Увечары 10 жніўня канфліктам скончыўся збор подпісаў за патэнцыйнага кандыдата ў дэпутаты, грамадскага актывіста Ігара Случака. Маладзён плануе балатавацца па Гомельскай-Савецкай акрузе як незалежны кандыдат. Ён сам разам з братам збіраў за сваё вылучэнне подпісы на вуліцы братоў Лізюковых. І вось у пад'ездзе аднаго з дамоў адбыўся канфлікт з мясцовым жыхаром. Той выбег на лесвічную пляцоўку і паспрабаваў справакаваць бойку. Тады Ігар Случак дастаў мабільны тэлефон, каб выклікаць міліцыю, але мужчына стукнуў хлопцу па руцэ, і тэлефон разбіўся.

Пасля інцыдэнту Случак усё ж выклікаў міліцыю і напісаў заяву з просьбай прыцягнуць хулігана да адказнасці. Па словах актывіста, выбаршчык быў раззлаваны не менавіта на яго, а на выбарчую кампанію ў цэлым, крычаў, што ўсё гэта «падман і лахатрон».

Як мы ўжо паведамлялі, асаблівасць удзелу Ігара Случака ў выбарах у тым, што малады чалавек сабраў сваю ініцыятыўную групу праз сацыяльныя сеткі, і надалей актывіст збіраецца як мага актыўней задзейнічаць сацыяльныя сеткі падчас кампаніі. Ён плануе ісці да канца, яго ініцыятыўная група ўжо сабрала каля 1000 подпісаў.

“Праваабаронцы за свабодныя выбары”

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма