Асобныя сябры партыі левых “Справядлівага свету”, якія спрабавалі трапіць у склад участковых выбарчых камісій, адчулі ціск з боку сваіх працадаўцаў. Кіраўнік раённай арганізацыі партыі , патэнцыйны кандыдат у дэпутаты са Жлобіна Валерый Рыбчанка адзначае:

–Не хочацца пакуль называць канкрэтныя прадпрыемствы і прозвішчы,  – кажа Валеры Рыбчанка. – Але справа не ў гэтым. Цікава іншае. Нягледзячы на тое, што ніводны з дванаццаці прэтэндэнтаў “Справядлівага свету” не трапіў у камісіі, да іх з боку працадаўцаў узніклі прэтэнзіі. З райвыканкама на прадпрыемсты паведамілі прозвішчы тых, хто спрабаваў трапіць у камісіі. Асобных сяброў маёй групы выклікала начальства і ў лоб пытала: “Як вы маглі нічога нам не паведаміць пра тое, што з’яўляецеся сябрамі апазіцыйнай партыі? Вы што, хочаце, каб мы вам не працягнулі кантракт?”

 «Праваабаронцы за свабодныя выбары»