Па звестках акруговых выбарчых камісій, у Магілёўскай вобласці вылучана 56 кандыдатаў у дэпутаты Палаты прадстаўнікоў. Гэта на пяць чалавек болей, чым было падчас парламенцкай кампаніі ў 2008 годзе. Такая інфармацыя была агучана па Магілёўскім тэлебачанні.

У выбарчых акругах вылучана ад двух да сямі прэтэндэнтаў на дэпутацкі мандат. Найбольшая колькасць кандыдатаў – у Магілёўскай-Ленінскай выбарчай акрузе № 84.

Толькі трое дзеючых дэпутатаў Палаты прадстаўнікоў зноў паспрабуюць стаць дэпутатамі новага склікання. Сярод вылучэнцаў у кандыдаты - чатыры чалавекі ва ўзросце да 30 гадоў, 13 жанчын. Таксама прагучала, што ў параўнанні з мінулымі выбарамі значна вырасла актыўнасць палітычных партый.

Нагадаем, што ўсяго ў Магілёўскай вобласці налічваецца трынаццаць выбарчых акругаў па выбарах дэпутатаў Палаты прадстаўнікоў Нацыянальнага сходу пятага склікання.

“Праваабаронцы за свабодныя выбары”