Яніна Ляснеўская, актывістка кампаніі «Наш дом» абскардзіла вердыкт суда Аршанскага раёна і горада Оршы па распаўсюджванню друкаваных матэрыялаў, якія нібыта заклікаюць да гвалту.

Нагадаем, што такімі матэрыяламі мясцовая міліцыя палічыла знойдзеную ў доме Яніны адну (!?) дзіцячую размалёўку «Мой тата - міліцыянт», дзе распавядалася пра тое, як супрацоўнікі міліцыі здзяйсняюць непрыстойныя ўчынкі. Суд, які адбыўся 31 ліпеня ў Оршы, адміністрацыйную справу супраць Яніны спыніў ў сувязі з заканчэннем тэрміну даўнасці. Разам з тым сама Яніна Ляснеўская такой пастановай не задаволеная і мяркуе, што такі судовы вердыкт не даказвае яе невінаватасці, на якой яна настойвае. Зараз справу павінен разгледзець Віцебскі абласны суд.