Найбольшая колькасць вылучэнцаў выпадае на Брэсцкую-Заходнюю акругу №1, дзе пажадалі балатавацца сем чалавек. У Брэсцкай-Усходняй акрузе №3 і Брэсцкай-Пагранічнай акрузе №4 дакументы падалі па шэсць чалавек, у Баранавіцкай-Усходняй акрузе №6 і Івацэвіцкай акрузе №11 - па пяць чалавек.
Што да партыйнай прыналежнасці вылучаных асобаў, дык сябрамі палітычных партый з'яўляюцца больш за палову прэтэндэнтаў - 36 чалавек. Пры гэтым найбольшую актыўнасць праявіла Ліберальна-дэмакратычная партыя (ЛДП), якая вылучыла 10 чалавек, Рэспубліканская партыя працы і справядлівасці - 7, Партыя БНФ - 6, Беларуская сацыял-дэмакратычная партыя (Грамада), Аб'яднаная грамадзянская партыя (АГП) і Беларуская партыя левых “Справядлівы свет” -  па 4 чалавека.
Шляхам збору подпісаў вылучыліся 30 человек, з якіх 16 асобаў выкарысталі і іншыя шляхі для вылучэння – ад працоўных калектываў альбо ад палітычных партый. Зноў трапіць у беларускі парламент жадаюць чатыры дзеючыя дэпутаты Палаты прадстаўнікоў.

“Праваабаронцы за свабодныя выбары”