Праваабарончы цэнтр «Вясна»беларускі хельсінкскі камітэт

“Гродзенскай праўда” рэкламуе кандыдатаў ад улады

Дзяржаўная газета “Гродзенская праўда” вядзе скрытую агітацыю за кандыдатаў ад улады ў парламент. У нумары за 27 жніўня галоўны друкаваны орган Гарадзенскага аблвыканкаму надрукаваў на першай паласе матэрыял “В Гродно прошло августовское совещание педагогов”. У аблвыканкаме з удзелам “губернатара” Сямёна Шапіры прайшла нарада работнікаў сферы адукацыі, якіх на сустрэчы прысутнічала больш за паўтысячы.

Сярод іншых выступоўцаў газета рэкламуе дырэктара Гарадзенскага прафесійна-тэхнічнага каледжу бытавога абслугоўвання Васіля Міхно, які зарэгістраваны кандыдатам па Гродзенскай-Цэнтральнай акрузе №50, і начальніка упраўлення адукацыі Гарадзенскага аблвыканкаму Аляксандра Сягодніка, кандыдата па Ваўкавыскай акрузе №48.

Праваабаронца і незалежны назіральнік Раман Юргель мяркуе, што такая публікацыя газеты парушае артыкул 46-47 Выбарчага кодэксу, які вызначае роўныя ўмовы агітацыі, а праўладныя кандыдаты злоўжываюць сваім службовым становішчам.

“Праваабаронцы за свабодныя выбары”

Каментары

Каб камэнтаваць навіны, трэба ўвайсьці праз сацыяльныя сеткі

Каментароў пакуль няма