Прадстаўнік БХК Леанід Мархотка атрымаў адказ на скаргу з Мінаблвыканкаму. На думку сталічных чыноўнікаў, прадастаўленне інфармацыі аб вылучэнні кандыдатаў не з’яўляецца нормай Выбарчага кодэксу.

Нагадаем, на паседжанні Салігорскага выканаўчага камітэту, якое адбылося 22 жніўня, сп. Мархотка звярнуўся з просьбай прадаставіць для азнаямлення дакументы, пададзеныя для рэгістрацыі кандыдатамі. Пытанне было вынесена на галасаванне - камісія адзінагалосна адмовілася прадэманстраваць неабходную інфармацыю.

Праваабаронца звярнуўся ў Менаблвыканкам. На яго думку, публічнасць і адкрытасць выбарчага працэсу азначаюць і тое, што інфармацыя аб вылучэнні не можа быць закрытай.

Тым не менш, гэта ўжо другі выпадак, калі праваабаронцу не прадастаўляюць патрэбных звестак, інтэрпрэтуючы агульныя фармулёўкі Выбарчага кодэксу выключна “негатыўна” - выконваецца толькі тое, што дакладна прапісана і рэгламентавана. А такія паняткі як “адкрытасьць” з’яўляюцца толькі паняткамі, не раскрытымі ў заканадаўстве. Менавіта на адсутнасць рэгулярыцыі ў ВК спасылаецца начальнік Юрыдычнага аддзелу Мінаблвыканкаму сп.С.Літвінко.

“Праваабаронцы за свабодныя выбары”