У Гародні агітацыйная кампанія ідзе як ніколі млява, што выразна сведчыць пра сутнасць і характар гэтых выбараў. Адным з першых з дэмакратычных кандыдатаў актывізаваўся прадстаўнік кампаніі “Гавары праўду” Дзмітрый Бандарчук, кандыдат у Палату прадстаўнікоў па Гарадзенскай-Занёманскай акрузе №49. Па словах Бандарчука ўжо надрукавана 15 тысяч ягоных выбарчых улётак, якія будуць распаўсюджвацца ў бліжэйшыя дні. А вось плакаты незалежнага кандыдата ўжо расклеены па горадзе.

Аднак ужо за першы дзень пасля вывешвання з ста інфармацыйных плакатаў Бандарчука каля 50 былі здзёртыя альбо істотна пашкоджаныя. Па маштабе “атакі” на плакаты можна меркаваць пра іх наўмыснае знішчэнне. У прыватнасці, амаль знішчаны плакаты ў мікрараёне Вішнявец і каля ўніверсаму “Брэст”. У плакатах Дзмітрый Бандарчук даводзіць сутнасць кампаніі “Гавары праўду” і свае пазіцыі.

“Праваабаронцы за свабодныя выбары”