“Маладзечанская газета” ў апошнім нумары за 19 верасня напісала пра актыўнасць навучэнцаў політэхнічнага каледжа, якія ўжо з першага дня датэрміновага галасавання праявілі актыўнасць і прыходзілі на выбарчыя ўчасткі. Але назіральніку “Праваабаронцаў за свабодныя выбары” стала вядома, што гэта не было ініцыятывай саміх маладых выбаршчыкаў.

Прыняць удзел у галасаванні як мага раней іх папрасілі выкладчыкі, і асабліва настойвалі на гэтым – у каледжаўскім інтэрнаце. Наколькі вядома, навучэнцам за адмову нічым не пагражаюць, проста “перажываюць”, што яны забудуцца пра выбары, а іншагароднія ў нядзелю быццам не паспеюць вярнуцца ў інтэрнат, каб прагаласаваць.

“Праваабаронцы за свабодныя выбары”