Незвычайная сітуацыя здарылася 19 верасня ў Гародні ў другі дзень датэрміновага галасавання. Раніцай Сяргею Більдзюку, назіральніку, вылучанаму Аб’яднанай грамадзянскай партыяй, патэлефанаваў невядомы. Па словах Більдзюка, яму сталі ў катэгарычнай форме загадваць забраць з участку рэгістрацыйныя дакументы і пераходзіць назіраць на іншы выбарчы ўчастак. Сяргей Більдзюк звязаўся з партыйным кіраўніцтвам, высветліў сітуацыю, пасля чаго застаўся назіраць на тым жа ўчастку №7 Гарадзенскай-Цэнтральнай выбарчай акругі, дзе ён быў акрэдытаваны.

Гарадзенскія праваабаронцы разглядаюць факт тэлефанавання як псіхалагічны ціск на незалежнага назіральніка.

“Праваабаронцы за свабодныя выбары”