Яго абвінавачваюць у тым, што ён замінае працаваць участковай выбарчай камісіі №45, якая размешчана ў сярэдняй школе 18. Гэты выбарчы ўчастак уваходзіць у склад Магілёўскай-Прамысловай выбарчай акругі №87.

Назіральнік ад Беларускай партыі левых “Справядлівы свет”, прафесар Беларуска-Расейскага ўніверсітэта Валеры Беразіенка кажа, што члены ўчастковай камісіі абвінавацілі яго ў парушэнні артыкула 13 Выбарчага кодэкса, нібыта ён замінае працы камісіі.

“Канфлікт з членамі камісіі ў нас адбыўся пасля таго, як я падаў ім скаргу з нагоды таго, што яны завышаюць колькасць прагаласаваўшых у сваіх пратаколах. Да прыкладу, у першы дзень галасавання мы налічылі ўсяго 14 прагаласаваўшых, а ў пратаколе напісалі аж 98. Тое самае адбывалася і ў іншыя дні”, - кажа Валеры Беразіенка.

“Члены камісіі выказалі сваю незадаволенасць з гэтай нагоды і пачалі выцягваць мяне на правакацыйныя размовы, пасля чаго сказалі, што я замінаю ім працаваць. Зараз перапынак. Пытанне па мне будзе разглядацца адразу пасля абеду”, - кажа назіральнік.

“Праваабаронцы за свабодныя выбары”