Калі лідэр Магілёўскай абласной арганізацыі Беларускай партыі левых “Справядлівы свет”, прафесар Беларуска-Расійскага ўніверсітэту Валеры Беразіенка і надалей будзе ўмешвацца ў працу выбарчай камісіі №45, то яго пазбавяць акрэдытацыі, і ён мусіць пакінуць участак.

Папярэджанне назіральніку вынеслі ўчора, 21 верасня, у другой палове дня.

Нагодай для вынясення папярэджання, па словах старшыні камісіі спн.Якіменкі, стала тое, што Валеры Беразіенка выказваўся ў памяшканні для галасавання, ствараў канфліктную сітуацыю і напружаную атмасферу на ўчастку, а таксама неабгрунтавана абвінавачваў членаў участковай камісіі ў недакладных дадзеных у пратаколах галасавання.

Трэба адзначыць, што ўчора таксама быў выдалены з выбарчага ўчастка №70 назіральнік ад Аб’яднанай грамадзянскай партыі Юрый Дарашэнка. Па сцвярджэннях старшыні камісіі Веры Цыкуновай, ён замінаў працы камісіі.

“Праваабаронцы за свабодныя выбары”