Заяўнік, сябра Брэсцкай аддзялення Праваабарончага цэнтра “Вясна” Уладзімір Малей, лічыць, што суд не быў аб’ектыўным пры прыняцці такога рашэння.

Бабруйскія чыноўнікі адрэагавалі на адмову працаваць рабочых завода Трактарных дэталяў і агрэгатаў (ТДіА) тлумачэннямі на гарвыканкамаўскім сайце.

За тры тыдні пасля абвяшчэння выбараў у Палату парадстаўнікоў на сайце рэчыцкай газеты “Дняпровец”, заснавальнікамі якой з’яўляюцца райсавет дэпутатаў і райвыканкам, змешчаны ўсяго адзін матэрыял на гэтую тэму. Але і ён – не пра Рэчыцкі раён.

У Магілёве праваабаронцы ўпершыню за апошнія два дзесяткі гадоў прысутнічалі ў якасці назіральнікаў на першых арганізацыйных пасяджэннях акруговых выбарчых камісій, якія праходзілі 11 ліпеня.

Па інфармацыі праваабаронцаў, міліцыянты ўсё ж патрапілі ў дом Віктара Карняенкі. Зараз яны праводзяць ці то ператрус, ці то агляд памяшкання - шукаюць нелегальную друкаваную літаратуру.

Ніводны з вылучаных сябраў незалежнага прафсаюза не ўключаны ў акруговыя камісіі – у той час як праўладным прафсаюзным актывістам у камісіях адведзена 15 месцаў.

На першай паласе круглянскай раёнкі пад рубрыкай “Знакавая падзея” змешчаны вялікі хвалебны артыкул пра візіт у Круглянскі раён дзейснага дэпутата па Шклоўскай выбарчай акрузе № 90, гендырэктара ЗАТ “Беларуская калійная кампанія” Валерыя Іванова. Круглянскі раён падчас цяперашніх выбараў уваходзіць у Шклоўскую выбарчую акругу - гэта пралівае святло на планы сп.Іванова.

Выбаршчыкі Салігорскай сельскай выбарчай акругі №69 накіравалі ў Мінскі абласны суд скаргу на адмову ва ўключэнні ў склад акруговай камісіі свайго прадстаўніка, вядомага грамадскага дзеяча Уладзіміра Шыла. Заяўнікі лічуць, што рашэнне Прэзідыума Мінскага абласнога Савета дэпутатаў і Мінскага абласнога выканаўчага камітэта “Аб утварэнні акруговых выбарчых камісій” ўшчамляе іх канстытуцыйныя правы і з’яўляецца незаконным.

Раніцай 11 ліпеня сябра Слонімскага згуртавання дэмакратычных сіл Іван Бедка наведаў Слонімскі райвыканкам, дзе ў кнізе скаргаў і прапановаў напісаў скаргу на ўпраўляючую справамі райвыканкама, а цяпер ужо старшыню Слонімскай выбарчай акруговай камісіі № 58, Алену Мачаліну.

Пра склад камісіі Ваўкавыскай выбарчай акругі № 48 выбаршчыкі даведаліся з прыватнага блогу: “это живые люди … они возьмут на себя ответственность и будут считать бюллетени для голосования”. У параўнанні з выбарамі 2008 года камісія абнавілася напалову, усе сябры - вылучэнцы ад ўлады.

“Праваабаронцы за свабодныя выбары” падвялі вынікі першага важнага этапу парламенцкіх выбараў - фарміраванне акруговых камісій. І прыйшлі да высновы, што прагрэсу ў адрозненні ад кампаніі-2008 не адбылося.

Акруговыя выбарчыя камісіі створаны ў асноўным за кошт праўрадавых арганізацый: Федэрацыя прафсаюзаў Беларусі, ГА «Беларускі рэспубліканскі саюз моладзі», РГА «Белая Русь» і Беларускае грамадскае аб’яднанне ветэранаў. Фарміраванне АВК прайшло пад кантролем выканаўчай улады, без публічнага абмеркавання вылучаных кандыдатур. Прадстаўнікі апазіцыі складаюць у камісіях нязначную долю – непрапарцыйна малую ў параўнанні з колькасцю вылучаных прэтэндэнтаў.

Аналіз створаных акруговых камісій у Гомелі паказвае, што «чужыя тут не ходзяць»: камісіі створаны на шаблону, сябры камісій – свае ўсе людзі. Спрэс начальнікі, прадстаўнікі выканкамаў, адміністрацый гораду, дырэктары школ, якія замаскіраваліся і прайшлі ў камісіі як вылучэнцы ад грамадскіх аб'яднанняў, прафсаюзаў і ад грамадзян.

Старшыні Брэсцкага аблвыканкаму Канстанціну Сумару было зададзена пытанне на конт яго ранейшых выказванняў наконт выбараў. Ён адказаў: "У мінулы раз пракурору трэба было мяне пакараць за такія словы, але я зусім не гэта меў на ўвазе...”

10 ліпеня ў малой зале гарвыканкама адбылося першае пасяджэнне акруговай камісіі Баранавіцкай-Заходняй выбарчай акругі № 5, якое адкрыла загадчыца аддзела арганізацыйна-кадравай працы гарвыканкама Дудко Вольга.