“Вы працуеце ў сістэме камунальнай гаспадаркі Рэспублікі Беларусь, абслугоўваеце інтэрнаты, дзе таксама пражываюць і непаўнагадовыя дзеці, і Вашыя погляды, калі яны супярэчаць дзяржаўнаму ладу, могуць негатыўна на іх адбівацца”, - тлумачыць начальнік жыллёва-эксплуатацыйнага прадпрыемства Павел Шышоў зборшчыку подпісаў, актывісту БСДП (Г) Мікалаю Залознаму.

У артыкуле “У працоўным рэжыме” звяртаецца ўвага на тое, што дэпутаты ў Беларусі не настолькі актыўныя, як у суседніх краінах. На думку журналісткі Вікторыі Раманавай (псеўданім намесніцы галоўнага рэдактара Жаны Гірэль), актыўнасць народных абраннікаў на Захадзе з’яўляецца своеасаблівай часткай палітычнага шоў і асабістай рэкламы і ніяк не спрыяе “плённай працы” парламентаў.

Праваабаронца Аляксей Колчын, які з’яўляецца назіральнікам пры акруговай выбарчай камісіі №85, патрабуе абавязаць камісію даваць адказы на мове звароту, а таксама паведаміць яму час і дату пасяджэння, на якім будзе вызначацца парадак працы камісіі па праверцы дакладнасці подпісаў выбаршчыкаў у падпісных лістах.

Як законапаслухмяныя грамадзяне, Васільеў і Марголін прыйшлі сёння ў прызначаны час у суд. Аказалася, што суддзя Барысаўскага суду Ірына Пасюк не ведала пра перанос судовага паседжання. Позвы падпісвала не яна.

"Пасежданне цягнулася ўсяго 11 хвілін, – распавядае Галіна Каян. – З дакладам выступіў намеснік старшыні райвыканкама Віктар Касцейкоў, які хутка зачытаў інфармацыю пра колькасць прэтэндэнтаў (усяго іх было 771) і колькасць тых, хто трапіў у склад камісій (такіх атрымалася больш за 540 чалавек). Прозвішчы прадстаўнікоў у склад камісій не называліся".

7 жніўня прыкладна а 17-й гадзіне да дома намесніка старшыні АГП Льва Марголіна нечакана пад’ехала міліцэйская машына. Супрацоўнікі праваахоўных органаў, як неўзабаве высветлілася, з’явіліся, каб ўручыць яму позву ў суд, які прызначаны на заўтра, 8 жніўня, і пачнецца а 10-й гадзіне.

У адміністрацыі Маскоўскага раёна г. Мінска назіральніцы ад Беларускага Хельсінкскага камітэта не дазволілі прысутнічаць на заўтрашняй сустрэчы.

Пра гэта паведамляюць праваабаронца Барыс Бухель і адзін з лідэраў Магілёўскай арганізацыі Беларускай партыі левых “Справядлівы свет” Анатоль Заўялаў, якіх супрацоўнікі адміністрацыі вадзілі за нос - замест таго, каб паведаміць, калі будзе праходзіць пасяджэнне.

Удзел у парламенцкай выбарчай кампаніі стаўся прычынай таго, што старшыня Глыбоцкай арганізацыі Партыі БНФ падаў заяву пра прыпыненне сяброўства ў партыі. Насуперак партыйнай стратэгіі актывіст, які збіраецца балатавацца па Наваполацкай акрузе №25, вырашыў не здымацца з партыйнай гонкі.

З сайту Пінскага гарвыканкама знялі інфармацыю з фотаздымкамі, дзе пад перагорнутым дзяржаўным сцягам актывісты “Белай Русі” збіралі подпісы за праўладную кандыдатку. Аднак чарговы "ляп" не прымусіў сябе чакаць.

Старшыні Барысаўскай гарадской арганізацыі Аб'яднанай грамадзянскай партыі Міхаілу Васільеву прыйшоў ліст з падатковай інспекцыі з патрабаваннем даць дэкларацыю аб даходах за апошнія чатыры гады.

Мінскія назіральнікі адзначаюць, што ў сталіцы ў большасці раёнаў адсутнічаюць плакаты з інфармацыяй пра правядзенне выбараў, дзяржаўныя медыі таксама зрэдку паведамляюць пра выбарчую кампанію.

Абласная газета «Мінская праўда» і рэспубліканская «Народная газета» апублікавалі інтэрв'ю з дзеючым дэпутатам ПП НС Віктарам Гумінскім, які збіраецца балатавацца ў дэпутаты па Барысаўскай сельскай выбарчай акрузе № 63.

Між тым у Горацкай выбарчай акрузе з’явіўся яшчэ адзін прэтэндэнт у кандыдаты. На з’ездзе ліберальна-дэмакратычнай партыі кандыдатам у дэпутаты па Горацкай выбарчай акрузе № 82 вылучаны кіроўца Горацкага райста Барыс Парчэўскі, які ўжо перадаў у акруговую камісію неабходныя дакументы.

Сярод ініцыятыўных груп, якія працягваюць збор подпісаў за вылучэнне кандыдатаў у дэпутаты, найбольш актыўна паводзяць сябе ў Брэсце прадстаўнікі мясцовай суполкі Беларускай партыі левых “Справядлівы свет”.