18 верасня ў Беларусі пачынаецца датэрміновае галасаванне па выбарах дэпутатаў Палаты прадстаўнікоў Нацыянальнага сходу Рэспублікі Беларусь пятага склікання. Прадстаўнікі кампаніі "Праваабаронцы за свабодныя выбары" звяртаюцца да выбаршчыкаў з просьбай паведамляць пра прымус да ўдзелу ў датэрміновым галасаванні на адрас кампаніі ў інтэрнэце elections2012@spring96.org

З-за зняцця вылучэнцаў АГП і Партыі БНФ колькасць безальтэрнатыўных акругаў дасягнула 15. Працягвалася цэнзура тэлевізійных і радыёвыступаў апазіцыйных кандыдатаў, іх праграм, што прадстаўляліся для публікацыі ў дзяржаўных выданнях.

"Мікалай Волкаў – дзеючы дэпутат Віцебскага абласнога Савета. Але стараецца не згадваць пра гэта, балатуючыся ў парламент. Лічу, што ён свядома ўводзіць людзей у зман", -- кажа актывіст кампаніі "Гавары праўду" Аляксандр Мікулін. З гэтай нагоды ён і напісаў скаргу ў ЦВК.

Пасля зняцця апазіцыйных кандыдатаў на Берасцейшчыне безальтэрнатыўнымі засталіся чатыры акругі: Баранавіцкая Заходняя №5, Баранавіцкая сельская акруга №7, Пружанская № 9, Пінская гарадская акруга №14.

Пасля запыту ў ЦВК Алесь Капуцкі даведаўся, што прасачыць за працэсам паступлення ў акруговую камісію пратаколаў участковых камісій аб выніках галасавання ён так і не зможа. ЦВК адказала: “такія правы не прадугледжаны”, а назіральнік “можа толькі прысутнічаць на пасяджэнні акруговай камісіі пры ўстанаўленні вынікаў выбараў па выбарчай акрузе”.

У апошніх нумарах газет Івацэвіцкага і Бярозаўскага раёнаў змешчаны артыкулы Арсенія Восенява (“Гавары ды не загаворвайся”, газета “Маяк”за 15 верасня) і Рыгора Лукоўскага (“А што на справе?”, газета “Івацэвіцкі веснік” за 14 верасня) з крытыкай кандыдата Валянціна Лазарэнкава.

Кандыдат па Крычаўскай выбарчай акрузе № 83 Валерый Каранкевіч падаў у Цэнтрвыбаркам скаргу на выкарыстанне адміністрацыйнага рэсурсу іншым кандыдатам у дэпутаты па акрузе, першым намеснікам старшыні Магілёўскага аблвыканкама Уладзімірам Краўцовым.

Застаецца незразумелым, якая цікавасць удзелу ў выбарах можа быць ў валожынскага выбаршчыка, які са старонак газеты нават не можа даведацца, што ў бюлетэні будзе не адно прозвішча.

На сайце Бабруйскага гарвыканкама заўважнае ажыўленне: гараджан заклікаюць галасаваць – “праявіць актыўную пазіцыю”.

На пляцоўцы перад цэнтральнай універсальнай крамай Брэста, акрамя інфармацыі пра кандыдатаў у дэпутаты ад Беларускай сацыял-дэмакратычнай партыі (Грамада), з’явіўся адмысловы стэнд, прысвечаны палітычным зняволеным Беларусі.

У Гродзенскай вобласці пасля зняцця апазіцыйных кандыдатаў у дэпутаты налічваецца шэсць безальтэрнатыўных выбарчых акругаў. З апазіцыйных партыяў удзел у выбарчым марафоне працягвае “Справядлівы свет”.

Асноўны мэсыдж мерапрыемства не спадабаўся старшыні акруговай камісіі Ігару Берасценю, які заявіў, што інфармацыя пра палітвязняў не тычыцца выбараў, таму паводзіны кандыдата будуць разгледжаны на чарговым паседжанні камісіі.

Рагачоўская раённая газета «Свабоднае слова» відаць, выпрацавала свой фірмовы стыль пры напісанні артыкулаў на палітычныя тэмы, узбагаціўшы свой лексікон і знаёмячы чытачоў з прадстаўнікамі апазіцыі праз блатны жаргон.

Яго канкурэнт па Віцебскай-Чыгуначнай акрузе – намеснік начальніка Віцебскага аддзялення беларускай чыгункі Сяргей Бохан. "Таму з улёткамі і плакатамі ў падведамасныя ўстановы мы вырашылі нават не хадзіць, бо нават у крамах нам адмаўляюць," – вымушаны канстатаваць кандыдат.

Захады па недапушчэнні размяшчэння агітацыі ў забароненых месцах павінен рабіць раённы аддзел унутраных спраў (начальнік – Андрэй Сілкоў), а кантроль за выкананнем рашэння ўскладзены таксама на начальніка аддзела ідэалагічнай работы райвыканкама Наталлю Маркаву. Ці адрэагуюць яны на парушэнне выбарчага заканадаўства?