Старшыня акруговай камісіі Слонімскай выбарчай акругі № 58 Алена Мачаліна заяўляла, што прэтэндэнтаў - чатыры, але хто канкрэтна, даведацца ад старшыні камісіі не ўдавалася, яна проста не адказвала на гэтае пытанне.

Акруговыя камісіі Жодзіна і Лагойску не дапусцілі назіральнікаў кампаніі «Праваабаронцы за свабодныя выбары» да працэсу праверкі подпісаў і дакументаў вылучэнцаў у кандыдаты. Назіральніца па Лагойскай акрузе №75 не атрымала аніякага адказу, назіральніку па Жодзінскай выбарчай акрузе №64 з камісіі прыйшла пісьмовая адмова.

Выбаршчыкаў Вілейскай выбарчай акругі інфармацыяй павінны забяспечваць мядзельская газета “Нарачанская зара” і вілейская “Шлях перамогі”. Да гэтага часу выданні не паведамляюць чытачам пра асобаў, якія збіраюцца прадстаўляць раён у парламенце.

Брэсцкія прадстаўнікі апазіцыйных партый выказваюць незадаволеннасць рашэннем мясцовага гарвыканкаму, якім вызначаны месцы, дзе можна ладзіць масавыя мерапрыемствы падчас агітацыйнага этапу цяперашняй выбарчай кампаніі.

“Больш ніколі нічога мы Вам паказваць не будзем!” – заявіла старшыня акруговай камісіі Маладэчанскай выбарчай акругі №72 Святлана Юрчык незалежнаму назіральніку Эдуарду Баланчуку. Падобна на тое, што такое агрэсіўнае стаўленне ён “заслужыў” тым, што распавядаў незалежным СМІ аб некаторых сумнеўных дзеяннях камісіі.

Старшыні Мазырскага раённага выканаўчага камітэта прапанавалі пашырыць колькасць месцаў для правядзення масавых мерапрыемстваў. Нікадзім Варановіч, прэтэндэнт у кандыдаты па Мазырскай выбарчай акрузе №42 і кіраўнік яго ініцыятыўнай групы Рыгор Крывіцкі напісалі заяву на імя старшыні райвыканкаму.

Пракурор г. Баранавічы ўхіліўся ад выканання ўскладзеных на пракуратуру арт. 125 Канстытуцыі РБ абавязкаў па нагляду за выкананнем законаў і іншых нарматыўных прававых актаў дзяржаўнымі органамі і іх службовымі асобамі.

Калі Арэшка абмяркоўвала гэтае пытанне з намеснікам старшыні камісіі, у кабінет увайшла сябра камісіі Рублеўская, якая працуе ў Адміністрацыі Першамайскага раёна, і заявіла назіральніцы, што яе месца - «за сталом у куце».

Хто той невядомы, што ўварваўся дамой да актывіста Уладзіслава Ярашова? Супрацоўнікі Магілёўскага абласнога ўпраўлення КДБ адмаўляюць той факт, што нехта з іхных супрацоўнікаў наведваў сябра ініцыятыўнай групы прэтэндэнта ў дэпутаты Уладзіміра Пунчанкі Уладзіслава Ярашова.

Размова лідэра бабруйскай суполкі АГП Віктара Бузінаева з супрацоўнікам КДБ Паўлам Сілковым цягнулася каля трох гадзін. Нагадаем, актывіста выклікалі на размову напярэдадні вечарам, павесткай.

Найбольш падстрахавалася дырэктар САШ № 30 Жана Мішур. Яна вылучаная ад працоўных калектываў ААТ “Бабруйскаграмаш”, Бабруйскай цэнтральнай бальніцы, Бабруйскага гарбарнага камбіната, філіяла РУП “Магілёўэнерга” Бабруйскай ТЭЦ-2, ААТ “Белшына”, плюс – шляхам збору подпісаў і партыі.

Старшыня Пружанскай акруговай выбарчай камісіі № 9 Аляксей Лаптановіч не дазволіў назіральніцы Тамары Шчапёткінай прысутнічаць пры праверцы подпісаў і іншых дакументаў, пададзеных прэтэндэнтамі ў кандыдаты.

Толькі на трэці дзень пасля апошняга дня здачы подпісаў ініцыятыўнымі групамі і іншых дакументаў на рэгістрацыю ад прэтэндэнтаў у кандыдаты Лагойская АВК №75 сабралася на паседжанне.

Кіраўніку абласной арганізацыі БНФ Вадзіму Саранчукову затэлефанавалі з Гарадзенскай Цэнтральнай выбарчай акругі № 50 і запрасілі на паседжанне камісіі, дзе патэнцыйнаму кандыдату ў дэпутаты паведамілі, што ў камісію паскардзіліся выбарцы. Паказаць яму скаргі грамадзянаў камісія адмовілася.

На паседжанні 17 жніўня Цэнтрвыбаркам практычна аднагалосна (супраць прагаласаваў толькі сакратар ЦВК Мікалай Лазавік) задаволіў скаргу Ганны Канюс і адмяніў папярэджанне. Паводле старшыні Цэнтрвыбаркама Лідзіі Ярмошынай, хоць з боку Канюс і былі “дапушчаныя неэтычныя дзеянні, але гэта не з'яўляецца падставай для вынясення папярэджання”.