Назіральнікі не ўбачылі нічога новага ў час датэрміновага галасавання на парламенцкіх выбарах у Беларусі. Выбарчы працэс не стаў дэмакратычней, але і нечаканага пагаршэння таксама не назіраецца. Характар найбольш распаўсюджаных парушэнняў не змяняецца ад выбараў да выбараў, і новых тэндэнцый у гэтым годзе не заўважана.

Моладзь БХД яшчэ раніцай 23 верасня вывесіла велізарную расцяжку «Выбарам байкот» у самым цэнтры Оршы, на прыродным схіле аршанскага гарадзішча.

Амаль на кожным выбарчым участку скараціліся выбарчыя спісы. У камісіях кажуць, што гэта людзі, якія "памерлі", "з'ехалі ў Расію", або "ўжо не жывуць па гэтым адрасе". Праваабаронца Павел Левінаў выказвае меркаванне, што за кошт штучнага скарачэння колькасці выбаршчыкаў уздымаецца працэнт яўкі.

Кароткатэрміновага назіральніка ад партыі “Справялівы свет” Алега Кастусёва выдалілі з участка для галасавання №14 Жлобінскай выбарчай акругі, абвінаваціўшы ва ўмяшанні ў працу камісіі і ўзломе сейфа, у якім знаходзіліся бюлетэні з датэрміновага галасавання.

З дзесяці чалавек, да якіх заехалі сябры камісіі № 8 Аршанскай гарадской акругі № 26 з урнай для галасавання, толькі адзін пацвердзіў, што звяртаўся ў камісію з падобнай просьбай. А адзін з выбаршчыкаў зусім адмовіўся галасаваць і выгнаў няпрошаных сябраў камісіі з кватэры.

Камендантка інтэрната №17, што на Віцебскім праспекце, 19, абыходзіць пакоі жыльцоў і патрабуе, каб яны прыйшлі на ўчастак і прагаласавалі - нават калі не маюць пры сабе дакументаў. Пра гэта распавядаюць самі жыльцы інтэрната.

У Гомелі 23 верасня пасажыры, напрыклад, гарадскога аўтобуса №34 увесь час паездкі вымушаны слухаць заклікі «прыйсці на выбары і выканаць свой грамадзянскі абавязак». Прычым рэклама выбараў гучыць праз кожны прыпынак.

У Магілёве на выбарчым участку №46 міліцыянер адмовіўся выдаляць назіральніцу Ларысу Шукайлу. Яе выдалілі толькі пасля таго, як на выбарчым участку з’явіўся начальнік аддзела прафілактыкі Кастрычніцкага РАЎС Магілёва Сяргей Далінін.

Франц Массер назірае за выбарамі ў Гомелі аж з 2004 года. І за гэтыя гады ён ні разу не меў ніводнай заўвагі да выбарчага працэсу. Наадварот – толькі хваліў беларускія выбары. На мінулых выбарах назіральнік выказваўся, што «большасць немцаў марылі бы мець такія ж дэмакратычныя правы, якія ёсць у беларусаў».

Назіральнік Аляксандр Леаненка, які працуе на выбарчых участках № 22 і 23 па Бабруйскай Сельскай акрузе, падаў дзве скаргі, у АВК і ЦВК, у якіх указвае на парушэнні ў размяшчэнні агітацыйных матэрыялаў.

Інфармацыя адносна яўкі выбаршчыкаў у дні датэрміновага галасавання, якая паступае ад незалежных назіральнікаў з шэрагу выбарчых участкаў, адрозніваецца ад інфармацыі ў пратаколах выбаркамаў.

Адразу з некалькіх выбарчых участкаў у Оршы паступіла інфармацыя пра тое, што назіральнікі ад БРСМ маюць пры сабе памяткі, як паводзіць сябе на выбарчым участку.

Эдмунт Ленгфельдэр, дырэктар Інстытута радыялогіі імя Ота Хуга (Мюнхен), падчас прэзідэнцкіх выбараў 2010 заяўляў, што "размовы пра фальсіфікацыі – поўная лухта”, а “выбары ў Беларусі абсалютна празрыстыя”. Дэмакратычнымі называў "незалежны назіральнік" і выбары ў парламент у 2008 годзе.

Па кватэрах на вуліцы Кастрычніцкай і Леніна ходзяць брыгады з трох чалавек і прадстаўляюцца настаўнікамі гімназіі №2. Яны настойліва просяць бабруйчан пайсці прагаласаваць, хоць бы і супраць усіх. З’явілася інфармацыя, што супрацоўнікаў райвыканкама занепакоіла нізкая яўка выбаршчыкаў, і яны вырашылі ўзяць выбаршчыкаў настойлівасцю.

Назіральнікі фіксавалі значнае разыходжанне ў лічбах прагаласаваўшых на працягу дня з тымі дадзеннымі, якія абвяшчаліся ў канцы дня сябрамі УВК. Напрыклад, у Гомельскай-Савецкай выбарчай акрузе № 34 на ўчастках № 1, 2, 18 і 23 амаль увесь час назірання адзначалася разыходжанне лічбаў у 2-3 разы.