Праваабаронца Барыс Бухель падаваў у акруговую камісію №87, пры якой ён зарэгістраваны назіральнікам, заяву з просьбай дазволіць яму назіраць за працэсам праверкі дакументаў, пададзеных прэтэндэнтамі ў дэпутаты, у любы момант на любым этапе выбарчай кампаніі. Старшыня камісіі Аляксандр Кажэмякін у пісьмовым адказе паведаміў, што гэта не прадугледжана часткай 4 артыкула 13 Выбарчага кодэкса.

Назіральнік з Баранавіч Сяргей Гоўша папрасіў старшыню акруговай выбарчай камісіі азнаёміць яго з пратаколам пасяджэння камісіі. А ў выніку назіральніка абвінавацілі ў дробным хуліганстве. Распачалася кампанія па дыскрэдытацыі незалежнага назіральніка.

Суддзя Барысаўскага раённага суду Ірына Пасюк вынесла рашэнне аб накладанні штрафу ў памеры двух мільёнаў рублёў для Васільева і трох мільёнаў рублёў для Марголіна. Пры гэтым першапачатковы пратакол аб арганізацыі несанкцыянаванай масавай акцыі быў перароблены ў парушэнне правілаў правядзення пікетавання (!).

Апошняя публікацыя выбарчай тэматыкі ў брэсцкай газеце “Заря” пад назвай ”Сцэнкі вакол ацэнкі” прысвечаная справаздачы ацэначнай місіі БДІПЧ АБСЕ, высновы якой аўтар артыкула Яўген Літвіновіч назваў “прадказальна памылковымі”.

У Оршы з 10 прадстаўнікоў АГП ва ўчастковыя камісіі ўключаны толькі двое, з 16 ад «Справядлівага свету» - сямёра, з чатырох сябраў БХД, якія вылучаліся шляхам збору подпісаў, у камісіі не трапіў ніхто.

Намесніца пракурора Гарадзенскай вобласці Святлана Рахман не ўгледзела парушэнняў заканадаўства ў фактах разыходжання афіцыйных лічбаў па рэгістрацыі ініцыятыўных групаў, якія ў сваёй скарзе ўказваў назіральнік ад БХК Раман Юргель.

У спісе сябраў камісіі участка №27 Сельскай выбарчай акругі, апублікаваным у гарвыканкамаўскай газеце, у інфармацыі пра Маргарыту Бяляеву (месца працы не пішуць) указана, што вылучалася ў камісію шляхам падачы заявы ад грамадзянаў і ў дужках пазначана таямнічае “донесет”.

Лепельскія чыноўнікі вымушаны рэагаваць на заўвагі "Праваабаронцаў за свабодныя выбары". Апошняя з іх тычылася рашэння № 700 аб стварэнні участкаў для галасавання. На недапрацоўку чыноўнікаў звярнуў увагу назіральнік ад БХК Ігар Казмерчак, які з гэтай нагоды звярнуўся ў Цэнтрвыбаркам за тлумачэннямі.

На парламенцкія выбары ідзе страшыня мясцовай суполкі партыі БНФ Леанід Аўтухоў. Аднак прадстаўніка гэтай партыі ва ўчастковую камісію Савецкага выбарчага ўчастка не ўзялі. Адмовілі і сябру БСДП (Грамада), які хацеў трапіць у камісію Гагарынскага выбарчага ўчастка.

Адміністрацыя Першамайскага раёна Мінска часткова агучыла інфармацыю аб складзе участковых выбарчых камісій па Уручскай акрузе № 109, дзе ў кандыдаты вылучаецца лідэр руху “За Свабоду” Аляксандр Мілінкевіч.

Большасць літаральна ва ўсіх участковых выбарчых камісіях у Бялыніцкім раёне складаюць супрацоўнікі разнастайных бюджэтных арганізацый - устаноў адукацыі, культуры, медыцынскага абслугоўвання насельніцтва і т.п.

Яшчэ ўчора чыноўнікі Адміністрацыі Маскоўскага раёна г.Мінска катэгарчына адмаўлялі назіральнікам у прысутнасці на паседжанні па ўтварэнні УВК, але сёння іх без праблем зарэгістравалі і дазволілі назіраць за працэсам.

Сакратар Цэнтрвыбаркаму выказаў незадаволенасць наконт справаздачы БДІПЧ АБСЕ, ў якой адзначаецца масавы ўдзел у выбарах прадстаўнікоў праўладных арганізацыяў. Па меркаванні Лазавіка, гэта немагчыма. У ФПБ ёсць свой адказ для чыноўніка.

На сайце Лідскага райвыканкама апублікавана Рашэнне № 772 аб утварэнні ўчастковых выбарчых камісій, датаванае 7 жніўня. Ва УВК Лідскай выбарчай акругі № 54 уключаны 467 чалавек, з іх - двое ад партыі «Справядлівы свет».

Да нядаўняга часу вілейская газета “Шлях перамогі” выбарчай кампаніі не заўважала. Але як толькі ў раёне вызначыліся апазіцыйныя прэтэндэнты ў кандыдаты, газета пачала пра выбары ўзгадваць рэгулярна і адзначаць, што “выбары праходзяць добра”, а “апазіцыя ідзе на правакацыі”.